Die ondersteuningsdienste fokus op die  individuele behoeftes van elke leerder.  Die dienste fokus veral op die skolastiese en emosionele ontwikkeling van die leerders.

REMEDIëRENDE ONDERWYS
Remediërende Onderwys is 'n gespesialiseerde opvoedkundige ondersteuningsdiens wat deur ons skool, in samewerking met die Departement Onderwys, aan leerders met spesifieke leerprobleme in Tale en Wiskunde, aangebied word.  Slegs leerders met gemiddelde tot bogemiddelde intellektuele vermoëns en wat onderpresteer kwalifiseer vir Remediërende Onderwys.  die remediërende opvoeders behartig ook verwysings na remediërende skole en spesiale onderwys.

Leerders kan by R.O. ingeskakel word nadat:

•  Leerprobleme geïdentifiseer is.
•  Hulpverlening met die oog op regstelling van die probleem ontvang is.
•  Onderhoude met die skoolhoof, onderwysers en ouers gevoer is.
•  Skolastiese evaluering deur die R.O. personeel of 'n sielkundige gedoen is.

Die ondersteuningsdienste stel ook belang in die emosionele ontwikkeling van ons skool se kinders.  Leerders word gemotiveer om met die opvoeders te gesels, indien hulle emosionele probleme ervaar of as hulle ontevrede is oor iets by die skool en/of huis.  Kinders word as holistiese wesens beskou en dus wil ons hulle op alle vlakke van hulle ontwikkeling behulpsaam wees.

Tinka Victor - 079 879 5905
Johanna Els - 083 500 6998