'n Behoorlike gestruktureerde naskoolsentrum vir ons leerders word op ons skoolgrond beman deur kundige personeel.  Voorsiening word gemaak vir studieleiding waarby vele leerders reeds baat gevind het.  Leerders kan ook maklik by buitemuurse bedrywighede inskakel sonder dat hulle deur ouers aangery hoef te word.  Voldoende geleentheid bestaan - veral vir ons kleinere Fichies - om in die middae te rus en te ontspan.

Fichardtpark Primêre Skool se Studiesentrum verskaf voortreflike toesig vir
leerders van ons wie se ouers beide voldag betrekkings beklee en nie hul kinders middae alleen tuis wil laat nie.  Die toesighoudende personeel word streng gekeur en is dames met onderwyservaring onder direkte beheer van onderwyspersoneel.

DOELSTELLINGS

• Die versorging van leerders buite skoolure
• Dienslewering aan die skool se ouers
• Om elke leerder die geleentheid te bied vir studie en ontspanning
• Om in elke leerder se individuele behoeftes te voorsien en om hulp te verleen.

URE
Van Maandag tot Vrydag is daar vanaf 12:45 toesig, maar die amptelike begintyd is stiptelik om 14:00 en duur tot 17:30 waarna die Studiesentrum nie meer verantwoordelikheid vir leerders aanvaar nie. Die Studiesentrum is gesluit tydens skoolvakansies, openbare vakansiedae, die dag waarop die skool sluit en enkele ander dae waarvan betyds kennis gegee sal word.

PERSONEEL

 Pretorius Lorraine Mev.