VCSV

Om te leef in die lig van God se genade is ‘n groot voorreg. Jesus se liefde het vele harte al in Fichardtpark Primêre Skool aangeraak. Dit is net deur God se genade dat Fichies so bevoorreg is om Jesus vrylik te kan dien. “Glow” is die goed gevestigde VCSV-tak van Fichardtpark Primêre Skool vir graad 4 tot 7 leerders. “glow” byeenkomste is dinsdaemiddae vanaf 14:00 tot 15:00. Tydens die byeenkoms word Jesus geloof en geprys deur middel van sang, interaksie, praktiese voorbeelde en baie lag. God se woord word op ‘n kreatiewe manier aan leerders uitgelê en daar word gesels oor wie God is.

Die tema vir 2018 by “Glow” is: “Liefde kan oorkom”. Weeklikse sessies word interessant gehou deur die gebruik van multi-media en stories. Verder word die aanbidding deur die dans groep gelei wat bestaan uit 5 VCSV leiers. Die skool se jeugwerker, Christie-Lee Drinkwater, bied die lesse aan. ‘n Gemiddeld van 70 leerders woon weekliks die byeenkomste by. Fichies reik graag uit na die gemeenskap en weeklikse bid geleenthede word in pouses gehou.

Elke jaar het ons ‘n gaskunstenaar wat die grondslagfase vir ‘n geestelike program besoek. Dit is altyd ‘n energievolle aand van lofprysing. Vir graad 4 tot 7 bied ons ‘n “Glow” naweek aan. Die tema van die naweek volg op die jaar se tema. Daar is gewoonlik so 200 kinders wat die dag bygewoon. Verskeie gemeentes is betrokke. Die dag word afgesluit met ṅ “glow in the dark” aanbiddingsdiens.