KONTAK ONS VANDAG: +27 51 522 8166     +27 51 522 6661     info@fichies.co.za

Landloop

Home | Sport | Landloop

HOOF:  Mev. Sanmarie van der Berg
+27 82 838 4287

AFRIGTER DAE TYD KWART
Mev. Sanmarie van der Berg & Janine Oosthuizen Ma. Wo. Do. 14:00 - 15:00 2 & 3

WEDSTRYDE / BYEENKOMSTE
Landloopliga: Vrydae 2de & 3de kwartale

Fichardtpark Sport LogoVoor elke Vrydag se Landloop-ligabyeenkomste wag hordes opgewonde Fichies, geklee in hul kenmerkende blou atletiekdrag, by die wegspringstreep van die Universiteit van die Vrystaat, vir die skoot om te klap.
Tydens elke byeenkoms leer hul nie net van uithou, volharding en waartoe hul liggame instaat is nie, maar kan hulle ook een van hul belangrike Fichie-waardes, nl. Omgee, uitleef.   Hulle kan gebruikte tekkies aan minderbevoorregte atlete skenk.

Gedurende die landloopseisoen  kan leerders kwalifiseer om aan ‘n interprovinsialebyeenkoms, sowel as die Suid-Afrikaanse Landloopkampioenskappe, deel te neem. Talle Fichie-atlete word jaarliks in die Vrystaatspan ingesluit om aan hierdie byeenkomste te gaan deelneem.

Na afloop van elke seisoen, word wenners van die onderskeie ouderdomsgroepe en spankompetisies van die Bloemfontein ligas aangewys. Fichies se naam pryk jaarliks met trots op hierdie uitslae. Vir atlete, wat aan al die ligas deur die seisoen deelgeneem het, word daar jaarliks ‘n spesiale lint toegeken wat ‘n baie gesogte item onder die landlopers geword het.

Alle leerders wat entoesiasties is oor fiksheid, is welkom om by Fichie-landloop aan te sluit. Hier word ‘n gesonde selfbeeld gekweek deur atlete aan te moedig om teen hulself te kompeteer en tydens elke wedloop, beter as die vorige te presteer.

x