KONTAK ONS VANDAG: +27 51 522 8166     info@fichies.co.za

Fichies sunset (Custom)
WELKOM BY FICHIES SE WEBTUISTE
ONS DOELSTELLING
Om ’n dinamiese gebalanseerde Afrikaanse skool te wees, met ’n waardegedrewe grondslag wat voortreflike onderrig bied om elke kind in totaliteit te ontwikkel.
Facebook - Fichies
Instagram - Fichies

UIT DIE SKOOLHOOF SE PEN

Wie is Fichies?

Fichies is die verkorte naam vir Fichardtpark Primêre Skool.  Ons bestaan uit drie onder-afdelings, naamlik die Fichie Welpies, vir 3 tot 5 jarige kleuters, die graad R-afdeling, asook die graad 1 tot 7-afdeling.  Ons bied ook Middagstudie en Vakansiesorg om werkende ouers met hul kinders te ondersteun.   Fichies is in die suide van Bloemfontein gelee – dit is ‘n baie rustige, veilige en kindervriendelike omgewing.

Hoe word ek deel van die Fichiefamilie?

Dit is vir my ‘n besondere voorreg om deel van die Fichiefamilie te kan wees, my kleinkinders is albei lojale Fichies. Daar is enkele grade waar ons nog plek vir 2024 beskikbaar het.  As jy gou speel, kan jou kind ook deel van die Fichiefamilie word.  Skakel die skool by 051-522 8166 en maak ‘n afspraak om ons pragtige fasiliteite en vriendelike personeel te kom besoek. Die vriendelike Fichiemaatjies sal jou dadelik tuis laat voel!

Ervaar die Fichieverskil!

Waarom moet ek Fichies kies?

  • Fichies is ‘n dinamiese, gebalanseerde Afrikaanse skool met ‘n waarde-gedrewe grondslag, gebasseer op die Bybelse beginsels en ons weet waar ons krag vandaan kom. Ons bied voortreflike onderrig en streef daarna om elke kind in totaliteit te ontwikkel, sodat kinders hul volle potensiaal kan bereik.
  • Die skool het ‘n betrokke, omgee-skoolgemeenskap. Ons fokus op die bou van goeie verhoudings en sterk vriendskapsbande. Onder-wysers en ouers werk in ‘n span saam om net die beste vir elke kind te bied.
  • Die skool bied ‘n eenstopdiens met ‘n groot verskeidenheid van ko-kurrikulêre en buitekurrikulêre aktiwiteite – daar is vir elke kind ‘n aktiwiteit wat by hom of haar pas.
  • Fichies het vanjaar, by die Departement van Onderwys, die toekenning ontvang as die top akademiese skool in die groter Bloemfonteinse Onderwysdistrik. Ons is baie trots op hierdie toekenning; dit is ‘n bewys van die harde werk en gehalte onderrig wat Fichieleerlinge elke dag ontvang.
Fichies

Fichardtpark Primêre Skool is tans geleë in die spogwoonbuurt, Fichardtpark te Bloemfontein.  Die woonbuurt is op die plaas, Brandkop, gebou waar die bekende Fichardtfamilie destyds, net buite Bloemfontein gewoon het.  ‘n Mens kan skaars glo dat waar die skool tans staan, eens vee en wild in die veld gewei het.

Fichardtpark LearskoolDie skool is op Dinsdag, 18 Januarie 1977 amptelik geopen.  Mev. Retha Wolvaardt was die eerste waarnemende skoolhoof.  Die personeelkorps het uit 6 onderwysers bestaan en die leerlingtal van graad 1 tot 3 was 171 leerlinge.

Vandag is Fichardtpark Primêre Skool een van die top skole in die land met ‘n onderwyskorps van 41 onderwysers en ‘n leerlingtal van 1 180.

Ons vier kernwaardes naamlik EERLIKHEID, OMGEE, RESPEK en VERANTWOORDELIKHEID word uitgeleef en vorm die pilare waarop ‘n deelnemende, gelukkige skoolgemeenskap die toekoms bou!

Fichie Waardes - Omgee
Fichie Waardes - Respek
Fichie Waardes - Verantwoordelikheid
Fichies Atletiek
Fichies Hokkie
Fichies krieket
Fichies Landloop
Fichies Netbal
Fichies Tennis
Fichies Rugby
Fichies Skaak
Versie - Fichies
Fichies Koor
Fichies redenaars
Fichies Ritmegroepe
Fichies VCSV
Fichies Voortrekkers
Welpie Skoolkoerant
itec
x